Aalisakkat tukertitaanngitsut

Royal Greenlandip aalisakkat tukeritaanngitsut silarsuaannut tikilluaqquaatit. Aalisakkanik tukertitaanngitsunik pitsaalluinnartunillu pisisartutsinnut pilersuisinnaagatta tulluusimaarutigaarput.

• Saarullik Atlantikup Imartaaneersoq
  Saarullik Atlantikup Imartaaneersoq (Gadus morhua) nunarsuarmi aalisakkani ilisimaneqarnerpaat ilaat mamarluinnarami, nerpia suikkaasuugami immikkullu ittumik umamisunnissuseqarami piumaneqaqaaq. Saarulliup nunatta eqqaani Atlantikup Imartaaneersup nillertumi minguitsumilu alliartortanera sumiiffinniit allaniit arriinnerusarmat nerpia mamartumik tunguarnitsumillu mamaqalernissaminut piffissaqarluartarpoq.
• Saarulliit Nutaaq®-tut tunisassiat
  Saarulliit Nutaaq®-tut tunisassiat immamiit qaqinneqarneriniit qeritinneqarnerinut akunnerit annerpaamik marluinnaasarmata saarullinnik tunisassioriaaseq nutaarluinnaavoq. Nutaaq® nutaarsunninnerugami, qaqqorinnerugami mamarnerugamilu saarullinnut pitsaassutsimik uuttueriaasermik nutaamik pilersitsivoq
• Eqaluk
  Eqaluk (Salvelinus alpinus) issittup imartaani uumasuuvoq, aalisakkallu nerpia aappalaarujuttoq igasunit nunanit tamalaaneersunit piumaneqarluarpoq. Aalisagaq aasami sivikitsumi immami nilleqisumi arriitsunnguamik alliartortarpoq. Eqaluk nunatsinni nerisassat peqqinnartut mamarluinnartullu ilagaat, tassami uullugu, siallugu, pujuugaliaralugu tarajorterlugulu nerineqartarpoq.
• Qaleralik
  Qaleralik (Reinhardtius hippoglossoides) qaqqorissumik, mamartumik aqitsumillu nerpeqarnini pissutigalugu piumaneqarluarpoq. Nerisassiariuminarlunilu mamarpoq, aalisakkallu orsuanik omega-3-mik akoqarluarami mamarluartuuvoq.
• Qeeraq
  Qeeraq (Anarhichas Minor) nukittuunik allerulittut angisuunillu, ukiut tamaasa taarsertartunik, kigutilittut ilisimaneqarpoq. Qeeraq, nunatsinni toornilittut ilisimaneqartoq, nunatta kujataata kitaaniit avannaata kitaani Upernavik aammali kangiani Tasiilaq tikillugu uumasuuvoq.
• Ammassak
  Ammassak (Mallotus villosus) issittup imartaani tamarmi aalisagaavoq, nunatta kitaani kangianilu Uummannap Tasiilallu tungaanut avannarpasitsigisumi Islandillu eqqaani ikkattumi suffisarpoq.