Tunisassiorneq
Royal Greenlandip tunisassiorfii nunatsinniittut, Quebecimiittut, Newfoundlandimiittut Tysklandimiittullu aalisakkanik qalerualinnillu qaqerlaanik ullut tamaasa pilersorneqarput.
Royal Greenland nunatsinni, Quebecimi, Newfoundlandimi Tysklandimilu tunitsivinnut tunisassiorfinnullu 40-nit amerlanerusunut piginnittuullunilu ingerlatsisuuvoq. Tunisassiorfitta nunani tamalaani siammarsimaneritigut tunisassiassanik tunisinermut, tunisassiornermut kiisalu niuerfinnut qaninnissarput qulakkeerparput.
Tunisassiorfimmi
Aalisakkat qaleruallillu pisisartut piumasaat naapertorlugit tunisassiarineqannginnerminni nunami tunisassiorfitsinni sikulersorlugit uninngasuutigineqartarput. Tunisassiorfippassuaqarnerput periarfissarpassuaqartitsivoq, nutaaliornerlu pillugu suleqatigiit tunisassiassanik nutaanik atuisunut tulluarsakkanik inerisaanermik suliaqartuaannarput.
Royal Greenland Tysklandimi Kinamilu tunisassiorfinnik poortuivinnillu nutaalianik, tunisassianik atuisunut niuerfinnut qanittunut pisiareriaannarnik pitsanngorsaallutillu poortuisinnaasunik peqarpoq. Tunisassiorfiit poortuiviillu tamarmik qaffasissumik eqqiluisaarfiullutillu inuussutissat pillugit isumannaallisaanermik aaqqissuussamik (HACCP) suleriaaseqarput, tunisassiorfiillu amerlanerit BRC IFS-iluunniit naapertorlugu akuerisaapput.
Tunisassiat
Royal Greenland pissuseqatigiiaaniit Atlantikup Avannaaneersuniit aallussaniit tunisassianik assigiinngitsorpassuarnik toqqagassaateqarpoq, soorlu raajat issittup imartaaneersut, qalerallit, saarulliit issittup imartaaneersut, oquuttat, saattuat aamma nipisat. Pissuseqatigiiaat aallussat saniatigut pisisartugut toqqagassaqarluarniassammata aalisakkanik qalerualinnillu tunisassianik allanik Atlantikup Avannaaneersuunngitsunik pilersorsinnaavagut.
Tunitsiviutigut tunisassiorfiutigullu
Tunitsiviutigut tunisassiorfiutigullu
Royal Greenland Canadami Atlantikup Imartaata qanittuani, nunatsinni Tysklandimilu aalisakkanik qalerualinnillu tunisassiorfinnut 40-nut piginnittuullunilu ingerlatsisuuvoq.
