Angerlaqqinneq
Ilinniartut sisamat ilinniakkaminnik naammassinninnermi kingorna nunatsinnut angerlaqqissimasut naapikkit.
Royal Greenlandimi, nunatsinni suliffeqarfiit annersaanni, ilinnut tulluartunik suliffissaateqartuaannanngilagut. Taamaakkaluartoq ilinniakkamik naammassereeruit angerlaqqinnissannut kaammattorumavatsigit. Sooq? Pitsaasumik allanngueqataasinnaagavit. Suliffinniinnaanngitsoq aammali inuiaqatigiinni.
Rasmus Olsen
Aningaasaqarnermik aqutsinermut kandidatitut ilinniagalik, Aalborg Universitet
- Suliffissanik nittarsaassinerni arlaleriarlunga peqataanikuuvunga, ilinniartuullunga aammaluilinniarninni ukiut avinnerata quligiluassaani suliffimmik misiliillunga, tassanilu suliffimmik misiliineq pillugu nunatsinnullu uternissannut eqqarsaatersuutikka pillugit saqqummiinikuuvunga.
Ilinniarninni qaammatit pingasut-sisamat sinneruttut kajumissaarneqarnanga Royal Greenlandimi piffissami aalajangersimasumi misiliilluni sulinissamut qinnuteqarpunga. Naammattulli qinnuteqareersimammata qullersaqarfimmi nakkutilliisutut atorfimmik neqeroorfigineqarama akueraara, Rasmus Olsen oqarpoq.
Piumassuseqarlutillu piginnaasaqaruit sukkasuumik akisussaaffilersorneqarlutillu angusaqarsinnaavutit. Piginnaasaqarnerit ersersikkukku sukkasoorujussuarmik angusaqarsinnaavutit. Aqutsisunngorusullunga nalunngittuaannarnikuuara, aqutsisunngornissannullu piffissaliussara sioqqullugu aqutsisunngornikuuvunga.
- Ilinniaqatinnut danskinut suli suliffittaanngitsunut sanilliullunga ilinniagara suli naammassinaguluunniit suliffittaarama eqqissillunga ilinniakkannik 100%-imik ukkassisinnaanngorpunga. Inissarsinissara kisimi unammillernartunngorpoq. Kikkut tamarmik inimik pisinissaminnut naammattunik ileqqaagaqanngillat, Rasmus oqarpoq, taamaammallu nunatsinnut uternissaq ajornakusoorsinnaavoq. Sulisut inaannik neqeroorfigitikkama iluatsitsivunga.
Rasmus 2014-imi Nuummut nuuppoq, 2016-imilu Air Greenlandimit atorfinitsinneqarnissami tungaanut Nakkutilliinermik immikkoortortami sulivoq. Royal Greenlandimi immikkoortortami aqutsisutut 2018-imi atorfinitsinneqaqqippoq.
- Piumassuseqarlutillu piginnaasaqaruit sukkasuumik akisussaaffilersorneqarlutillu angusaqarsinnaavutit. Piginnaasaqarnerit ersersikkukku sukkasoorujussuarmik angusaqarsinnaavutit.
Rasmus Olsenip suliffimmini misilittagai, sullissinermik tunisassiornermillu sulinerup assigiinngissusai allarluinnaalluunniit pillugit apersorusukkukku mailikkut uunga raol@royalgreenland.com allallutit saaffigissallugu tikilluaqqusaavutit
Nikoline Ziemer
Uumassusilerisoq, Københavns Universitetimi Kandidatitut ilinniagalik
- 2004-mi ilinniakkannik naammassigama nunatsinnut utissallunga nalunngittuaannarnikuuara. Angummik Tysklandimeersumik aappaqarlungalu pingasunik meerartaarnikuugatta ukiuni marlussunni Danmarkimi najugaqaqqaarpugut. Piffissami tassani meeqqat atuarfianni paarlatsitut sulisarlungalu Kalaallit Illuutaanni siunnersortitut sulisarpunga, Nikoline aalajanginnginnermini suut eqqarsaatersuutigisimanerlugit aperineqarami taama akivoq.
- Nunatsinnut nuunnissamik isumassarsiamut uiga tiguarniaqqaarpara. Kingornalu qitornatta meeqqerivimminni atuarfimminnilu kammaaniit qimagunnissaanut aalajangerneq ajornakusoorpoq, Nikoline Ziemer oqarpoq.
Nikoline 2012-imi Ph.d.-tut ilisimatusarnissaminik itigartitaanissami tungaanut raajat pillugit ilisimatusartusartutut Pinngortitaleriffimmi 2007-miit sulivoq. Kingorna sinniisitut piginnaasarilersimasani atorluarniarlugit aalajangerpoq, Mittarfeqarfinnilu sulisoqarneq pillugu siunnersortitut sulilerpoq. Nikolinelli Royal Greenlandimi sulinissani sivisuumik kissaatigisimavaa, ukiullu aappaa avillugu qaangiuttoq Royal Greenlandimi nioqqutissanik ineriartortitsinermut ingerlatsisutut atorfik inuttassarsiorneqarpoq. Qinnuteqarpoq atorfinitsinneqarlunilu.
- Nuannareqaara. Atorfik kissaatigisaraara. Nunatsinnut uteraanni, ingammik qaffasissumik ilinniagaqaraanni atorfimmi ineriartornissamut periarfissaqarluarpoq.
Nikoline Ziemer nunatsinni inuuneq atorfimminilu misilittagarilersimasani, imaluunniit allarujussuit pillugit suli oqaluttuakutsoorsinnaavoq. Nikoline mailimut nikz@royalgreenland.com–imut allaffiglaugu saaffigisinnaavat
Line Poulsen
- 15-inik ukioqarlungali nunaqarfimmi najukkanniit Kangersuatsiamit Upernaviup pigisaaniittumit nuuppunga, taamanimiillu nunatsinnut uteqqinnissara anguniagariuaannarnikuuara. Tassani peroriartornikuuvunga, pinngortitaq, piorsarsimassuseq inuillu nuannareqaakka. Taamaammat ukiorpassuit ingerlareersut uteqqikkama nuanneqaaq, Line Poulsen oqaluttuarpoq.
2008-mi Line 32-nik ukioqartoq aapparisaa nunatsinni atorfimmik neqeroorfigineqarpoq. Nammineq Royal Arctic Line-imi qaammat ataaseq ernereernerup kingorna sulinngiffeqartumut taartaaffissarsivoq kingornalu ilinniarnermut ataqatigiissaarisunngorami ukiuni arfineq-pingasuni tulliuttuni suliffeqarfimmi ilinniarnermut tunngasut tamaasa aqutarai. Tamatuma kingorna Line Royal Greenland-imi Sulisoqarnermut siunnersortinngorpoq.
- Sulileqqaarama annerusumik sulisussarsiornermik suliaqarpunga, suliassakkali amerliartortillugit atorfiga ineriartorpoq. Assigiinngitsorpassuarnik suliassaqarpunga, soorlu nuna tamakkerlugu sulisut ilorrisimaarnerinik misissuinermik ingerlataqartarlungalu, sulianik aqutsisarlungalu aamma atorfilinnut tunngasunik allaffisornermik suliaqartarlungalu soraarnermusianut akisussaasuuvunga. Piginnaasaqarnerit takutissinnaallugulu aalajangersimasumik ukkataqarsinnaaguit suliaq ineriartortissinnaavat, Line oqaluttuarpoq.
Allannguisinnaassuseqarnerit eqqarsaatigissavat. Danmarkimi suliffeqarnermiit maani akisussaaffeqartinneqarlutillu pingaaruteqartutut suliaqarnissannut periarfissinneqarsinnaavutit. Uanga allanngueqataasinnaanera nuannaarutigaara. Piginnaasaqarnerit erseqqissartarlugulu ukkataqartaruit suliassat nammineq ineriartortissinnaavatit, Line oqaluttuarpoq.
Inuiaqatigiinni suut unammillernartuunersut suliffeqarfimmilu aalisarnermik suliaqarfiusumi sulineq qanoq innersoq sukumiinerusumik paasisaqarfigerusukkukku Line Poulsen saaffigisinnaavat. Line Poulsen mailikkut lipo@royalgreenland.com-imut allallutit saaffigisinnaavat.
Malik Høgh Johansen
Suliffeqarfissuarni tunisassiornermut atortunik ingerlatsinermik ilinniagalik, EUC Nord Hjørring
- Royal Greenlandip kilisaataataata ilaanni tunisassiornermut siuttuullunga sulisitsisunninngaanniit ilinniagaqarnissannut kajumissaarneqarpunga, Malik Høegh Johansen kilisaammut Nataarnamut Sisimiuni tulaqqasumut ikinnginnermini taama oqarpoq.
Royal Greenland aalisariutini umiartortunngorniat ilinniarnerminnik naammassigunik aqumiunngornissaat siunertaralugu piginnaanngorsaanermik suliaqarpoq. Malik suleqatinilu alla ukiualunni aalisartooreerlutik tamatumunnga atatillugu toqqarneqarput.
Suliffeqarfissuarni tunisassiornermut atortunik ingerlatsinermik ilinniarneq ukiunik marlunnik sivisussuseqartoq, faginillu aalisakkerinermut saattualerinermullu, tunisassiorfinni maskiinat ajoqutaannik tulleriiaaraluni ujaasinermut, iluarsartuinermut aserfallatsaaliuinermullu, tunisassiornermi suleriutsinik pitsanngorsaanermut, pitsaassutsimik qulakkeerinermut, assartugalerinermut sullissinermullu tunngasunik imaqartoq naleqquppoq.
Imarsiortuulluni inuuneq qanoq ittuunersoq siunissanilu qanoq takorloornerlugu oqaluttuarsinnaavoq. Malik Høgh Johansen saaffigerusukkukku e-mailikkut bemanding@royalgreenland.com-imut allallutit saaffigisinnaavat.
