Royal Greenland Academy
Royal Greenlandip suliffeqarfiup iluani pikkorissaavia
Royal Greenlandimi tunisassiornermik suliaqartut ilarpassui ilinniarsimasuunngillat. Taamaammat Royal Greenland Academy aqqutigalugu suliat ineriartornerlu pillugit pikkorissarluni piginnaanngorsaaneq qaffassaanerlu pingaaruteqarpoq. Sulisa+ pikkorissarneruvoq ilorrisimaarneq sulinermillu nuannarisaqarneq qitiutillugit suliffimmi periusinut immikkut tulluarsagaq pikkorissarfik pineqartoq aqqutigalugu neqeroorutaasoq.
Royal Greenlandimi ilinniartitsinermik suliniuteqarneq suliffeqarfiup nammineq pikkorissarfiani "Royal Greenland Academy"-mi ataatsimoorussamik ingerlanneqarpoq. Pikkorissarfik 2003-mi pilersinneqarami Ineriartorta!-mik qulequtserneqartoq pisoqarfiunikooqisoq oqaaseq CSR, suliffeqarfiup inuiaqatigiinnut akisussaanera, suliffeqarfimmi naatsorsuinermut ilanngunneqanngikkallarmalli sulisunut annertuumik inerisaasarnini pillugu ilisimaneqarpoq.
Royal Greenland Academy ukiut ingerlanerini ineriartortinneqarpoq, sulisulli pikkorissartinnerisigut, ilinniarteqqinnerisigut tulluarsakkanillu pikkorissartinneqarnikkut suliatik pillugit namminerlu inuttut ineriartornissaat pillugu periarfissaqarnissaat suli ukkatarineqarpoq.
Royal greenland Academy-mmi anguniakkat pingaarnerit tassaapput:
- Pikkorissartitsinerit suliniutillu Royal Greenlandimi sulisut aqutsisullu pisariaqartitaannut tulluarsakkat inerisarlugillu neqeroorutiginissaat.
- Royal Greenlandip qanoq ilinikkulluunniit aqutsisunik sulisunillu pikkorissunik sulisoqarnermigut ineriartortuarnissaa qulakkeerniarlugu ilinniartitsillunilu ingerlariaqqiffiusunik ilinniartitsinissamik anguniakkamik naammassinninnissaa
- Ilinniartut suliffeqarfik pillugu sukumiisumik ilisimasaqarlutillu sungiusarlutik sulisut umiartortunngorniallu periarfissat assigiinngitsut atorlugit pikkorissartinneqarnissaasa qulakkeernissaat
- Pikkorissarnerit saqqummiinerillu piumassuseqalersitsillutillu tiguartinnartut, soorlu tunisassiorfinni sulisunut Sulisa+, kilisaatini inuttanut Sakkut, aamma aqutsisunut Siukkaat, neqeroorutiginissaat
Royal Greenland Academy suliffeqarfiup sulisoqarnermi immikkoortortaanit ulluinnarni ingerlanneqartoq suliffeqarfiup iluani aamma pikkorissartitsisarpoq. Royal Greenland Academy tamatuma saniatigut pikkorissaasunik suliffeqarfiup avataaneersunik suleqateqartarpoq.
Royal Greenland Academy-p pilersinneqarnera pillugu paasisaqarnerugit (quppernermi allaaserisaq)
Royal Greenlandimi piujuartitsineq pillugu periusissaq anguniakkat nunarsuamut tamarmut atuuttut sisamat ilaannik ilinniarnermut tunngasumik aamma ilaqartoq pillugu paasisaqarnerugit (GRL Link til https://www.royalgreenland.com/gl/piujuartitsineq/ )
