Peqquserlunnermik akiliillunilu peqquserlunnermik akiuineq
Royal Greenland peqquserlunnerup pinaveersaartinnissaa pillugu sulisunik sungiusaanermik annertuumik ingerlataqarpoq
Royal Greenland nunani tamalaani soqutigisaqarfinnilu assigiinngitsorpassuarni niuertarpoq. Taamaammat sulisut attuumassuteqartut atorfimminnut atatillugu nalorninartunik paasisimasaqarnissaat pingaaruteqarpoq.
Nalorninartut periarfissallu
Royal Greenlandimi peqquserlulluni iluanaarniarneq akuerinngilarput. Akileraarutissanik peqquserlunneq, pinerlunnikkut aningaasarsianik malunnarunnaarsaaneq, aningaasanik paarisanik peqquserlunneq imaluunniit akiliilluni peqquserlutsitsineq pineqaraluarpalluunniit. Nunani arlalinni assigiinngitsunillu piorsarsimassuseqartuni aallussaqarpugut, taamaammallu pissuserissaarnissamut najoqqutat assigiit suliffeqarfissuarmi tamarmi ersarissuutinnissaat pingaaruteqarluinnarpoq.
Navianarsinnaasut pillugit ilisimasaqassutsip annertunerulersinnissaanut sulisut sungiusartarnissaat pingaaruteqangaatsiarpoq. Suliffeqarfimmi pinerluttoqarsimanera paasineqassappat whistleblowereqarnermik aaqqissuussaq atorlugu nalunaaruteqartoqarsinnaavoq.
2022-mi iliuutsit inernerillu
2022-mi sulisut toqqakkat ajutooratartoqarsinnaaneranik misissuineq naapertorlugu sukumiisumik sungiusarneqarput. Katillugit sulisut 212-it suliffeqarfissuarmi tamarmi immikkoortortanit assigiinngitsuneersut peqataasimapput. Sungiusarneq peqquserlulluni iluanaarniarnerup akiorniarnerani akunnattoorfinnik najoqqutassanillu, aammattaaq pissaanermik atornerluinermik whistleblowereqarnermut aaqqissuussamik imaqarpoq.
2019-2022-mut anguniakkat piviusunngortitsinerillu
Anguniakkat:
- Sulisut peqquserlulluni iluanaarniaratartoqarsinnaasarneranik tamatumalu kingunerisinnaasaanik ilisimasaqarnissaannik qulakkeerinninneq
- Peqquserlulluni ilunaarniarnermi peqataasoqartarnissaanik pinaveersaartitsineq
- Royal Greenlandimi whistleblowereqarnermut aaqqissuussamik ilasamik pilersitsineq
Anguniakkanik naammassinninneq:
Siornatigut whistleblowereqarnermut aaqqissuussaq atuussimasoq onlinekkut takuneqarsinnaanngorlugu apriilimi 2021-mi nutarterneqartoq eqqartuussissuserisunit suliffeqarfiup avataaneersunit aqunneqarpoq. Aaqqissuussaq Royal Greenlandip 100%-mik pigalugit aallussaanut tamanut atuuppoq.
Aningaasatigut pinerlunnerit, matumani peqquserlunnerit kiisalu naatsorsuinermi naapertuutinngitsuliornerit, avatangiisinut mingutsitsinerit, sulisitatut inuttullu pisinnaatitaaffinnik unioqqutitsinerit matumani meeqqanik sulisitsinerit pinngitsaaliillunilu sulisitsinerit ilanngullugit nalunaarutigineqarsinnaapput. Tamannattaaq inuussutissalerinermi isumannaallisaanerup iluani najoqqutassanik unioqqutitsinernut atuuppoq.
Aaqqissuussaq suliffeqarfiup avataaneersunit 2022-mi nalilersorneqarpoq, tassungalu atatillugu ingerlatseqatigiiffinnut ilaannakortumik piginneqataaffiusunut pisiortorfinnullu siammarlugu atuutsilersinneqarnissaa innersuussutigineqarpoq.
2030-mut angorusutat:
- Whistleblowereqarnermut aaqqissuussaq suli atuullunilu piginneqatigiilluni ingerlatseqatigiiffinnut aamma ilanngullugu atuutilissaaq
