Pingaartitagut
Naalagaaffiit Peqatigiit piujuartitsinissaq siunertaralugu anguniagaat nunarsuarmut tamarmut atuuttut sinaakkutaralugit pingaartitanik sisamanik suliniuteqarfeqarpugut
Royal Greenlandip piujuartitsineq siunertaralugu iliuusissatut pilersaarutaa pingaartitat sisamat Naalagaaffiit Peqatigiit 2022-mi anguniagaqarlutik 2030-imilu angorusutaqarlutik sinaakkutaliaat tunngavigalugit pilersinneqarpoq.
Nungusaataanngitsumik aalisarneq #14
Aalisarnerput ilisimatuussutsikkut siunnersuineq naapertorlugu aqunneqarlunilu pingajuusumit attuumassuteqanngitsumit akuerisaassaaq. Pingaartitat assingusut naapertorlugit aalisakkanik qalerualinnillu pisiortorlutalu nungaasaanngitsumik aalisarneq, immami avatangiisit pissuseqatigiiaallu nutaat pillugit ilisimasanik pilersueqataassaagut.
Akisussaassuseqartumik sunniuteqarneq #12
Atorluaasinnaaneq annertunerpaaffissaaniitikkumallugulu aalisakkat qaleruallillu tunisassiarisartakkagut atorlugit inuussutissanik nutaanik pilersitsiumavugut. Akisussaassuseqartumik atuinitsigut pisuussutinillu atoqqissinnaanngitsunik kaaviiaatitsilluta atuinitsigut avatangiisitsinnut sunniuteqarnerput minnerpaaffissaaniitikkumavarput.
Suliffik peqqinnartoq #8
Suliffimmi avatangiisit avatangiisillu tamakkiisumik atuuttumik aaqqissuussaaneratigut sulisut timikkut tarnikkullu atugarissaarlutillu suliffimminni pitsaasunik atugaqartitaanissaat anguniagaraarput. Immitsinnut piumasaqarnitsitut pisiortorfigut piumasaqarfigaagut.
Nunatsinni ilinniartitsineq #4
Ilinniarfeqarfiit suleqatigalugit uagullu nammineq ilinniarfipput Royal Greenland Academy aqqutigalugu nunatsinni inuiaqatigiinni piginnaanngorsaanermik ilinniartitsinermillu akisussaaffimmik tigusiumavugut.
