Pingaartitanik nalilersuineq
Suliffeqarfimmi akisussaaffiit misilittagassallu kiisalu periarfissat nalilersortarpagut
Royal Greenland suliffeqarfittut pingaarutilinnik misilittaallunilu suliffeqarfimmik ingerlatsinermi periarfissanik atorluaanissamut akisussaaffeqarpoq.
Pingaartitanik aaqqissuussamik nalilersuinitsigut CSR-imut piujuartitsinermullu tunngasut suussusersillugillu suliffeqarfitsinnut avatangiisitsinnullu pingaanerit siulliunnikuuagut.
Pingaartitanik nalilersuineq makkuninnga aallaaveqarpoq
- Misilittaaneq akisuussaaffiillu
- Periarfissat
- sulisutsinnut, avatangiisinut niuerfinnullu, kiisalu inuiaqatigiinnut peqataaffigisatsinnut. Sammisani marlunni sammisat pingaarnerit takussutissami ersersinneqarlutillu kingorna Naalagaaffiit Peqatigiit anguniagaat 17-it nunarsuarmut tamarmut atuuttut naapertorlugit misissoqqissaarneqarnikuupput.
Naalagaaffiit Peqatigiit anguniagaasa nunarsuarmut tamarmut atuuttut misissoqqissaarneri
Naalagaaffiit Peqatigiit piujuartitsineq pillugu anguniagaat (Sustainable Development Goals - SDG) kaannersuaqarneq piitsuunerlu nungutinniarlugit, assigiinngisitsinerit annikillisinniarlugit tamanullu pitsaasumik ilinniagaqarnissaq peqqissuunissarlu, suliffigissaarnissaq piujuartitsinissarlu siunertaralugu aningaasaqarnikkut siuariartornissaq qulakkeerumallugit sinaakkutissatut pilersinneqarpoq.
Royal Greenlandimi anguniakkat nunarsuarmut tamarmut atuuttut pillugit tulleriiaarisumik suleriuseqarpugut, taannalu piujuartitsineq pillugu suliniutitsinni sinaakkutitut atorparput. Anguniakkat 52-it immikkut toqqakkat Royal Greenlandimut attuumassuteqartutut kiisalu nunatsinni nunanilu tamalaani soqutigisaqartut aallaavigalugit atuutsinneqalerput. Anguniagaq immikkut toqqagaq misilittakkagut, soqutigisallit pillugit ilisimasagut suliffeqarfiullu iluani sulisunik isumasioqatigiisitsinikkut kisitsisit 1-imiit 9-mut atorlugit nalilerneqartarpoq.
Anguniakkat attuumassuteqartut pingaarnersiukkallu pillugit misilittagassat, akisussaaffiit periarfissallu suussusersiniarlugit periuserput ingerlariaaserpullu:
Anguniakkat toqqarneqartut agguataarnissaannut nunatsinni nunani tamalaaniluunniit soqutigisallit naapertorlugit agguataartarneri assigiinngitsut marluupput. Inuiaqatigiit kalaallit suliffeqarfik Namminersorlutik Oqartussanit pigineqartoq, soorlu Royal Greenland, aalisarnermut, najukkami inuiaqatigiinnut suliffissaqartitsinermullu qanoq sunniuteqarnersoq immikkut soqutigisarimmassuk tamatumunnga pissutaavoq. Nunani tamalaani pisisartut akisussaasumik piujuartitsinerlu aallaavigalugu tunisassiornissaq pillugu soqutigisaat naliliinermi pingaartinneqarnerupput.
Anguniakkat nunarsuarmut tamarmut atuuttut anguniakkallu
Nunatsinni nunanilu tamalaani soqutigisaqartut pillugit nalilersuinernit inernerit kattunnerini anguniakkat nunarsuarmut tamarmut atuuttut pingaarnerit sisamat erserput, taakkulu suliffeqarfimmi anguniakkanut pingaartitanullu allannguiffiginerusinnaasatsinnut tunngatinneqarput:
#14 IMMAMI UUMASSUSILLIT - Uagut tunngavipput tassaavoq 'Piujuartitsineq siunertaralugu aalisarneq'
#12 AKISUSSAASUMIK ATUINEQ TUNISASSIORNERLU - Uagut tunngavipput tassaavoq 'Akisussaassuseqartumik sunniuteqarneq'
#8 SULIAQ NAAMMAGINARTOQ KIISALU ANINGAASARSIORNIKKUT SIUARIARTORNEQ - Uagut tunngavipput tassaavoq 'Suliffik peqqinnartoq'
#4 ILINNIAGAQARNEQ PITSAASOQ - Uagut tunngavipput tassaavoq 'Nunatsinni ilinniartitsineq'
