Inuiaqatigiinni piginnaanngorsaaneq
Sulisut inuiaqatigiinnilu inuusuttut ilinniarnissaannik kajumissaarumallugit suliniuteqarumavugut
Royal Greenlandip ilinniakkani assigiinngitsunik qaffasissusilinni ilinniartut suliffimmik misiliinissaannut neqeroorfigisarnerisigut inuiaqatigiinni piginnaanngorsaanermik anguniagaqarluni suliniuteqarpoq.
Anguniakkani nunarsuarmut tamarmut atuuttuni nr. 4 ilinniarnissamut periarfissanik assigiinnik pitsaasumillu ilinniargaqarnissammut pilersitsinissamut tunngavoq. Anguniagaq nunarsuarmut tamarmut atuuttoq taanna ilinniagaqannginnerit ilinniarsinnaanissaannik kissaateqarnermut Royal Greenlandimi atuutsipparput. Taamatuttaaq aqutsisut suliffeqarfimmiittut piginnaanngorsaqqinnissaannik kiisalu ilinniartut tapersersornerunissaannik kissaateqarpugut.
Nalorninartut periarfissallu
Ingerlatseqatigiiffik sulisorpassuarnik pikkorissunik pisariaqartitsivoq, kisiannili ilinniakkamik piginnaasanilluunniit amigaateqarneq suliffeqarfimmi aningaasaqarnikkut suliatigullu nalorninartoqalersitsisinnaavoq.
Ilinniakkani naannerni, akunnattuni ingerlariaqqiffiusunilu ilinniartut suliffeqarfimmi sulinermik misiliinissaannik neqeroorfiginerisigut inuiaqatigiinni piginnaanngorsaaqataanissarput pimoorullugu suliniutigaarput.
2022-mi iliuutsit inernerillu
Nunatsinni ilinniartitsineq ukkataraarput, suliffeqarfiulli immikkoortuini allani sulisut aamma sungiusartarpagut. Ingerlatseqatigiiffik tamakkiisoq isigissagaanni 2022-mi ilinniartut 62-iummata taakkunani ilinniartut 50-it nunatsinni ilinniartuupput. Ilinniartut katillugit 16-it 2022-mi ilinniarkkaminnik naammassinnipput.
Ilisimatusartut katillugit qulingiluat nunatsinni Royal Greenlandimiipput, ingerlatseqatigiiffimmilu tamarmi ilisimatusartut 22-upput. Nunani tamalaani ilisimatusarfiit arlallit suleqatigilluarneqarput, taakkunaniit ilisimatusartut kandidatitut assigisaatulluunniit inaarutaasumik allaaserinninnerminni Royal Greenlandimiittarput.
Ingerlariaqqiffiusumik inuussutissarsiornermut ilinniakkani ilisimatusartut tapersersorniarlugit immikkut suliniuteqartoqarpoq. Ilinniartut katillugit 28-it 2022-mi bachelorinngorniarnerminni kandidatinngorniarnerminniluunniit suliffimmik misiliillutik allaaserinnillutillu Royal Greenlandimiipput.
QAQISA
QAQISA
QAQISA tassaavoq meeqqat atuarfiini atuartut angajulliit ilinniakkamik toqqaaluarnissaannik kajumissaarniarlugit atuarfiit inuussutissarsiorfiillu suleqatigiinnerat. Suliffeqarfiit inuusuttut sulisalertussat QAQISA aqqutigalugu kajumissaarlugillu, ikiorlugillu siunnersortarpaat.
2019-2022-mut anguniakkat piviusunngortitsinerillu
Anguniakkat:
- Aalisarnermik inuussutissarsiornermut ilinniartoqarneq Ukiumut sulisut minnerpaamik 50-it
- Qaqisa tunisassiorfinni tunitsivinnilu meeqqat atuarfiinik suleqateqarneq
Anguniakkanik naammassinninneq:
Suliffeqarfissuarmi piffissaq tamakkerlugu ilinniartut 50-ipajaajupput, 2020-miillu 2021-mut qaffasinnerusimavortaaq. Ilinniartut inuussutissalerinermik, teknikkeqarnermik allaffissornermillu suliaqarput. Taamaalilluni minnerpaamik 50-inik ilinniartoqarnissamik anguniagaq eqquutsinneqarpoq, tamannalu naammagisimaarnarluinnarpoq. Ilinniartut ataatsimooqatigiissittarnerinik malittareqqiinermillu annertuumik ukkatarinnittoqaraluartoq ilinniartut tamarmik ilinniakkamik naammassinninneq ajorput.
Suliniut Qaqisa, CSR Greenlandimit aqunneqartoq ukiut siuliini ingerlalluarpoq, suliniulli Covid-19-eqarnerata nalaani unittoorlunilu kingorna taamaatinneqarpoq. Royal Greenland aqutsisoqatigiinni suleqataalluarpoq, suliniutillu aallarteqqinnissaanut maanna aningaasaliisussarsiortuuvoq.
2030-mut angorusutat:
- Ilinniartut ukiumut minnerpaamik 50-it attatiinnarnissaat
- Qaqisa periusissatut ingerlanneqassaaq
