Aqutsisut ilinniartut

Asser Mathæussen tunisassiorfimmi Nuummiittumi suleqatigiinnut aqutsisuusoq suleqatigiinnik aqutsinermut pikkorssarnermut 2019-imi peqataallunilu sulqatigiilersitsiniarluni sammisaqarnermut, naleqalersitsinermik suliaqarnermut piginnaanngorsaallunilu pikkorissarnernut arlalinnut peqataasarsimavoq. ’Suleqatigiinnik aqutsinissamut sakkussaqarlualerpunga, pikkorissarnerullu suleqatigiinnermi attaveqatigiinneq qanoq pingaaruteqartigisoq takutippaa. Naleqartitat suut tunisassiorfimmi najoqqutarissanerlugit oqaloqatigiissutigisinnaagatsigit naleqalersitsilluni sulineq aamma atorluarsinnaavara’, Asser Mathæussen pikkorissarnermut peqataareerluni oqaluttuarpoq. 

Pikkorissarnerit ilaat Sulisa+-imik 2018-imi aallartittumik suliniuteqarnerminngaanneerput. Tunisassiorfinni sulisunut 2019-ip ingerlanerani pimoorullugit pikkorissaatigineqalerput. Suliniut suliffimmi pissutsit pitsanngorsarneqarnissaannik siunertaqarpoq, pikkorissaanerillu sulisut amerlanerpaat peqataasarniassammata tunisassiornerup ulapaarfiunnginnerata nalaani ingerlanneqartarput.