Ulapaarfimmi Royal Greenlandimi sulineq
Royal Greenlandimi sulisut arlallit ukiut tamaasa ulapaarfimmi sulinngiffeqartarmata tunisassiassat tunineqartut tunisassiarissallugit ikiuuttussanik pisariaqartitsisarpoq. Tunisassiorfiit tamaviaarlutik tunisassiuinnassappata ulapaarfinni sulisut pisariaqartinneqarput.
Nordjobb aqqutigalugu suliartortut
Ulapaarfimmi sulisut pingaarutillit tassaapput Nordjobb aqqutigalugu suliartortut. Taakku tassaapput inuusuttut nunani avannarlerni najugallit 18-iniit 30-nut ukiullit, ilinniartut imaluunniit ilinnialinnginnerminni ukioq ataaseq sunngiffeqarallartut. Taakku Nordjobb pillugu aaqqissuussaq Nordisk Ministerrådimit aningaasaliiffigineqartoq aqqutigalugu nunat avannarliit allat misigisassarsiorfigissallugit periarfissaqarput.
Royal Greenland Nordjobb aqqutigalugu suliartortartunik iluatsittumik ukiorpassuarni sulisoqartarpoq. Inuusuttut 20-iniit 50-inut amerlassusillit nunanit avannarlerneersut nunatsinnukartarput, sinerissamilu tunisassiorfinnut assigiinngitsunut agguataarneqartarput. Nunanit avannarlerniit inunnik kulturinillu assigiinngitsunik naapitsineq inuusuttunut kiisalu illoqarfinni nunaqarfinnilu sulisunut misigisassaavoq soqutiginartoq.
Aalajaattunik sulisoqarneq misigisallu imaannaanngitsut
Nunatta qeqqani avannaanilu qalerallit saarulliillu aalisarneqalernerata nalaani ulapaartoqartillugu sulisut amerlanerit pisariaqartinneqalersarput. Aalajaalluni suliartortarnissaq ulapaarfillu tamakkerlugu minnerpaamik qaammatini pingasuni sulisinnaanissaq ulapaarfimmi sulisunut piumasaqaataavoq. Qaammatini pingasuni sivisunermilluunniit suligaanni suliffissamut angalaneq inuusuttunit nammineq akilerneqarlunilu angerlamut angalaneq Royal Greenlandimit akilerneqassaaq. Tamatuma saniatigut pinngortitami asseqanngitsumik inuunerup sinnerani eqqaamasassamik misigisaqartoqassaaq.
