Royal Greenlandip kilissataataa Lomur kivivoq – inuttat tamarmik ajunngillat.
Ajuusaarutigalugu nalunaarutigissavarput kilissataaterput Lomur unnuaq marsip 17-iani ajutoorluni Sisimiut kitaani kivimmat. Pisoq sakkortugaluartoq inuttat quliusut tamarmik annaanneqarlutillu ajunngitsut erseqqissaatigissa-varput.
Pisup kingorna inuttat ilaqutaasalu pisariaqartitaat naapertorlugu tapersersornissaat maanna ukkatarissavarput. Eqqugaasut ajornartoornermi ilinniarsimasunit ikiorneqarnissaat qulakkeerniarlugu erngerluta suliniuteqarpugut.
Arktisk Kommandop, Kalaallit Nunaanni politiit allallu pinasuartumik annaassiniarneri inuttallu ajunnginnissaat pillugit iliuuseqarneri pillugit qujaniarnerput ersersikkumavarput. Iliuuseqarnerat annaassisuuvoq.
Inuttat pisumi qisuariarnerat pikkorissusaannik sungiusarsimanerannillu takutitsivoq, tamannalu Royal Greenlandimi qujamasuutigaarput. Ajornartoornermi aalajangiisinnaassusaat isumannaallisaanitta sillimaniarnittalu ataavartumik ukkatarineqarnissaata pingaaruteqassusaa ersersippaa.
Pisoq ajutoornermilu peqqutaasoq misissorniarlugu maanna oqartussat susassaqartut suleqatigaagut.
Royal Greenlandimi pisortaaneq
Susanne Rajamand
Sukumiinerusumik paasisaqarumaguit attaveqatigiinnermut ingerlatsisorput Merete Lindstrøm oqarasuaammut uunga sianerlutit: +299 281820 e-mailimulluunniit uunga allallutit meli@royalgreenland.com saaffigisinnaavat
