Japanimiut TV-qarfissuaneersut Ilulissaniipput
Japanimiut TV-qarfissuat; TV Asasimeersut Royal Greenlandip Kangianut tunisassanik tunisassiortarnera, Kinamiut Royal Greenlandip tunisassiorfiini sulisut amerliartornerat taamatuttaaq Kinamiut Kalaallit Nunaanni inuuniarnikkut naleqqussarnerat pillugit aallakaatitassiornissaminnut Royal Greenlandip Ilulissani tunisassiorfianut immiussiartorlutik pulaarput.
Allattoq Inga Egede, ineg@royalgreenland.comTV-qarfissuarmeersut; TV-qarfissuup Londonimi immikkoortortaaneersuusut Ilulissaniinnerminni Royal Greenlandip tunisassiorfiutaani tunisassiornernik immiussillutillu Kinamiut Royal Greenlandip Ilulissani tunisassiorfiutaani sulisut ilaat apeqqarissaarfigaat.
- Japanimiut TV-qarfissuaneersut Kinamiut Royal Greenlandimut qanoq atassuteqalersimanersut, Kalaallit Nunaannut angalaneri kikkunnit akilerneqartarnersut aammalu Kalaallit Nunaanni inuuniarnikkut atugaat pitsaasuunersut paasisaqarfiginissaat soqutigisupilussuuaat, Royal Greenlandip Ilulissani tunsiassiorfiani teknikkeqarnermi ikorfartorti Jesper Nielsen oqarpoq, nangipporlu:
- Sulisoq Kinameersoq apeqqarissaarfigineqarnermini tunuarsimaalaarpoq, qularnanngitsumik Kinap Japanillu akornganni pissutsit pissutaallutik.
TV-qarfissuarmeersuut Ilulissani immiussaat aallakaatitassiornissaminnut nutaarsiassanillu aallakaatitsinissaminnut atussavaat, suliaallu Japanimi 2018-imi ukiap ingerlanerani aallakaatinneqassapput.
TV Asasi Japanimiut TV-qarfissuaraat, nutaarsiassanillu aallakaatitsisarneri inunnit 10 millioningajannit isiginnaarneqartarput.
TV Asasimeersut Kinamiu Royal Greenlandimi sulisoq apeqqarissaarmassuk assilisaq allaaserisap ataani takuneqarsinnaavoq.
Paasissutissat:
Assit: Jesper Nielsen
