Oqaluttuassarput
Royal Greenlandip oqaluttuassartaa 1774-imili aallartippoq. Aalisakkanik qalerualinnillu Atlantikup avannaaneersunik Issittumeersunillu qaffasissumik pitsaassusilinnik taamanili pilersuisuuvugut.
Royal Greenlandip qullersaqarfia nunatsinni illoqarfiit pingaarnersaanni Nuummiippoq. Nunarput nunarsuarmi qeqertat annersaraat - Frankrig, Spanien, Tyskland, Italien, Tuluit Nunaat, Grækenland, Belgien aamma Danmark kattukkaani angeqqatigai. Taamaakkaluartoq innuttaasut 56.000-iinnaapput.
Nunarput 2.166.000 km² isorartussuseqarami nunarsuarmi qeqertani annerpaavoq. Nunarujussuugaluartoq inuit sinerissamiinnaq sikuertartumi najugaqarput. Nunap annerpaartaa ukioq naallugu sermersuarmik poorsimasarpoq.
Nunarput, Savalimmiut Danmarkilu ataatsimoorlutik naalagaaffeqatigiipput. Royal Greenlandip oqaluttuassartaa 1774-imili aallartippoq, taamanimi danskit naalagaaffiata nunatsinnik niueqatigiinneq tunngavilerpaa. Tamatumunnga atatillugu Den Kongelige Grønlandske Handel - KGH pilersinneqarpoq. Niuerneq Kalaallit Nunaanni Namminersornerullutik Oqartussanit 1979-imi akisussaaffigineqalerpoq, taassumalu kinguninngua ateq Royal Greenland nioqqutissanut nunatsinneersunut qaffasissumillu pitsaassusilinnut ilisarnaatitut pilersinneqarpoq.
Royal Greenland A/S ullumikkut aktiaateqarluni ingerlatseqatigiiffiuvoq namminersortoq, aktiallu 100 % -ii Kalaallit Nunaanni Namminersorlutik Oqartussanit pigineqarput.
Nunatsinni najukkani aalisartut Royal Greenlandip aallussineranut qitiupput. Raajat issittup imartaaneersut, qalerallit, saattuat, saarulliit nipisallu suaat nunatta kitaata sineriaani pisarineqartartuni pingaaruteqartut ilagaat. Nunatsinni aalisakkerineq najukkani innuttaasunut annertuumik tunngaviliisuuvoq.
Ileqquusumik aalisariaatsit teknologiilu nutaaliaanerpaaq pillugu ilisimasat ullumikkut kattullugit atorneqarput.
