Suliassaq & Anguniagaq
Tunisassiatta Atlantikup Avannaaneersuunerat kinaassuserpullu tunngavigalugit aalisakkanik tunisassianik immikkuullarissunik , isumannaatsunik peqqinnartunillu nunarsuarmi tamarmi atuisartutsinnut aalisakkanik qalerualinnillu pitsaviusunik piumasaqartartunut tunniussaqartarnerput pingaartipparput.
Royal Greenland suliffeqarfittut tamakkiisumik ingerlataqartutut najukkami aalisartunut aalisakkanik qalerualinnillu tulaassuisunut siuarsaaqataallunilu ineriartortitseqataavoq.
Suliassaq
Atlantikup Avannaata imartaanit pisuussutit aalisarsinnaasatta nalingi nungusaataanngitsumik annertusarnerisigut piginnittugut Kalaallit Nunaatalu inuiaqatigiivi pisuunnguallatsittarpavut
Atlantikup Avannnaata Issittullu imartaani imaannarsuarmi sinerissallu qanittuani aalisarneq niuernerup tungaatigut inissisimalluarnitsinnut tunngaviuvoq.
Time:Anguniagaq
The North Atlantic Champion
angorusupparput
Royal Greenland qaleralinnik raajanillu issittup imaartaaneersunik nunarsuarmi pisiortorfiunerpaassaaq.
Atlantikup Avannaani Issittumilu inissisimaffipput annertusarumavarput. Nunatsinni Canadallu issittortaani najuunnissapput iliuusissatut pilersaarutitsinni qitiuvoq. Taamaammat Aalisartoqarfinni misilittakkat ilisimasallu atorluarlugit Atlantikup Avannaani Issittumilu aallussaqarfitsinniit aalisakkanik qalerualinnillu ataavartumik pilersuisinnaavugut.
Suliffeqarfittut tamakkiisumik ingerlataqartutut aalisakkanik qalerualinnillu pitsaalluinnartunik aalisarnermiit atuisut pilersornerinut aalisarneq, tunisassiorneq, assartuineq tuniniaanerlu ataqatigiisippagut.
Royal Greenlandip niuerfinni inissisimanera nunani tamalaani pisiortortartut atuisullu pisariaqartitaat pillugit ilisimasanik tunngaveqarpoq, niuerfinnilu nunani tamalaaniittuni siunissaq ungasinnerusoq eqqarsaatigalugu tunisassiatsinnik tuniniaavigisinnaasatsinni niuernerup tungaatigut inissisimalluarnerpaanissarput anguniarparput.
Aalisakkanut, pisisartunut atuisunullu qaninnerpaajunissarput anguniagaraarput.
